Nom groussen Interessi vum leschte Joer organiséiere mir och dëst Joer erëm zesumme mam Här Grobecker, onsem Expert vum e&u Energiebüro, 2 Seminairen iwwert d’Energiespueren an ëffentleche Gebaier. 

De Cours „Energiespueren a Gebaier I – Ëffentlech Verwaltungen als Energiespuermotor“ soll allen Interesséierten d’Méiglechkeeten opweise, fir an ëffentleche Gebaier Energie ze spueren. Nierwt e puer Grondlagen zum Thema Energie (Verbrauchswäerter, Käschten, Ëmweltimpakt, Monitoring a.s.w.) gi virun allem déi technesch (Beliichtung, elektresch Geräter, Lüftungs- a Klimaanlagen, Hëtztechnik, a.s.w.) a mënschlech Mesuren (Verhaalensännerung) ënnert d’Lupp geholl. De Séminaire viséiert virun allem Conciergen a Leit ouni grouß energietechnesch Virkenntnisser.

OPGEPASST: Umeldung ausschließlech iwwer den INAP méiglech

Programm

Deel 1: Grondlagen Energie

• Wat ass Energie?
• Wee verbraucht wéivill dovunner?
• Ëffentlech Verwaltungen an Energiespueren?
• Energieverbrauch
• Käschtekennwäerter
• Energiemonitoring

Deel 2: Technesch Mesuren

• Stroum: Beliichtung, elektresch Geräter, Lüftungs- und Klimaanlagen
• Wärmt: Hëtztechnik

Deel 3: „Menschlech“ Mesuren

• De Faktor Mensch
• Energiespueren duerch Verhaalensännerung
• „Dru bleiwen“ – Energiespueren däerf keng Dagesméck bleiwen

Participatiounskäschten:

gratis fir all Gemengenemployé(e) a -beamten